உங்களுக்கு முடி கொத்து கொத்தா கொட்டுதா? அதுக்கு காரணம் இதுவா கூட இருக்கலாமாம்... ஜாக்கிரதை!

 

நீங்கள் தினமும் தலை சீவும்போது, உங்கள் சீப்பில் முடி கொத்து கொத்தாக இருப்பதை பார்த்து கவலையாடலாம்.

உங்கள் ஆடை மற்றும் படுக்கையில் தினமும் உதிர்ந்த முடிகளை நீங்கள் காணலாம். இன்றைய நாளில், முடி உதிர்தல் என்பது பெரும்பலான மக்களுக்கு இருக்கும் பொதுவான பிரச்சனை. பெண்களை பொறுத்தவரை இது பெரும் பிரச்சனையாக இருக்கிறது.

பெரும்பாலான மக்கள் முடி உதிர்தலை தடுக்க வெவ்வேறு ஹேர் மாஸ்க்குகள், தயாரிப்புகள், மருந்துகள் அல்லது சிகிச்சைகளை முயற்சி செய்கிறார்கள். ஆனால் நீங்கள் முதலில் செய்ய வேண்டியது என்னவென்றால், முடி உதிர்தலுக்குப் பின்னால் உள்ள காரணத்தைக் கண்டறிய வேண்டும். மன அழுத்தம் அல்லது மரபியல் அல்லது மாசுபாடு காரணமாக முடி உதிர்தல் ஏற்படலாம் என நீங்கள் நினைக்கலாம். மேலும், வைட்டமின் குறைபாடும் முடி உதிர்தலுக்கு ஒரு காரணமாக இருக்கலாம். வைட்டமின் குறைபாடு மற்றும் முடி உதிர்தல் ஆகியவற்றுக்கு இடையேயான தொடர்பை பற்றி இக்கட்டுரையில் விரிவாக காணலாம்.

முடி உதிர்தல் பிரச்சனைக்கு பல்வேறு காரணிகள் பங்களிக்க முடியும். முடி ஆரோக்கியத்தை பாதிக்கும் குறைவாக அறியப்பட்ட காரணிகளில் ஒன்று வைட்டமின் மற்றும் தாது குறைபாடுகள் ஆகும். ஆரோக்கியமான முடியை பராமரிப்பதில் வைட்டமின்கள் மற்றும் தாதுக்கள் முக்கிய பங்கு வகிக்கின்றன. மேலும் அவற்றின் அதிகப்படியான அல்லது குறைபாடு முடி வளர்ச்சியை பாதிக்கும் மற்றும் முடி உதிர்தலுக்கு வழிவகுக்கும்.

முடி உதிர்தல் மற்றும் வைட்டமின்கள்

13 அத்தியாவசிய வைட்டமின்கள் உள்ளன. மேலும் வைட்டமின் பி12 மற்றும் டி3 குறைபாடுகள் முதன்மையாக முடி உதிர்வை ஏற்படுத்துகின்றன. உங்கள் முடியின் வேர்களுக்கு ஆக்ஸிஜனைக் கொண்டு செல்லும் சிவப்பு இரத்த அணுக்கள் வைட்டமின் பி 12 மூலம் எளிதாக்கப்படுகின்றன.

இந்நிலையில், உங்கள் உடலில் வைட்டமின் பி12 சத்து போதுமானதாக இல்லாதபோது, முடியின் வேர்களால் புதிய முடியை திறம்பட உருவாக்க முடியாமல் போகலாம். இதனால் முடி உதிர்தல் பிரச்சனையை நீங்கள் சந்திக்க நேரிடுகிறது.

வைட்டமின்கள் ஏ, ஈ மற்றும் சி போன்ற பிற வைட்டமின்களின் குறைபாடுகளும் முடி உதிர்தலுக்கு பங்களிக்கும். வைட்டமின் ஏ செபம் உற்பத்திக்கு உதவுகிறது. செபம் என்பது ஒரு எண்ணெய்ப் பொருளாகும், இது உச்சந்தலையை ஈரப்பதமாக்குகிறது மற்றும் முடி வறண்டு உடையக்கூடியதாக மாறுவதைத் தடுக்கிறது. மேலும், வைட்டமின் ஈ ஒரு சிறந்த ஆக்ஸிஜனேற்றியாகும், இது உச்சந்தலையில் இரத்த ஓட்டத்தை மேம்படுத்த உதவுகிறது மற்றும் முடி வளர்ச்சிக்கு உதவுகிறது.

வைட்டமின் சியைப் பொறுத்தவரை, இது கொலாஜன் தொகுப்புக்கு முக்கியமானது. இது முடியின் வேர்களுக்கு கட்டமைப்பு ஆதரவை வழங்குகிறது. குடலில் இருந்து இரும்பு உறிஞ்சுவதில் வைட்டமின் சி பங்கு வகிக்கிறது. எனவே, உங்கள் உடலுக்கு வைட்டமின் சி சத்து கட்டாயம் தேவைப்படுகிறது. குறிப்பாக இரும்புச்சத்து குறைபாட்டால் முடி உதிர்தல் ஏற்படலாம்.

அதிகப்படியான வைட்டமின் டி மற்றும் முடி உதிர்தல்

பொதுவாக வைட்டமின் டியை நாம் சூரிய ஒளியிலிருந்து பெறுகிறோம். ஏனென்றால், சருமம் சூரிய ஒளியில் படும் போது உடலால் உற்பத்தி செய்யப்படும் ஒரு சத்து. ஆரோக்கியமான உணவுகள் மற்றும் சப்ளிமெண்ட்ஸ் மூலமாகவும் நீங்கள் வைட்டமின் டியைப் பெறலாம்.

முடியின் வளர்ச்சியை ஊக்குவிப்பதிலும் ஆரோக்கியமான முடியை பராமரிப்பதிலும் வைட்டமின் டி முக்கிய பங்கு வகிக்கிறது. இருப்பினும், வைட்டமின் டி சப்ளிமெண்ட்களை அதிகமாக உட்கொள்வது உடலில் கால்சியம் குவிவதற்கு வழிவகுக்கும். இது முடி உதிர்தலுக்கு வழிவகுக்கும்.

கனிமங்களை புறக்கணிக்காதீர்கள்

முடி ஆரோக்கியத்திற்கு வைட்டமின்கள் மிக முக்கியம். அதேநேரம் தாதுக்களை நீங்கள் புறக்கணிக்கக் கூடாது. இரும்பு, துத்தநாகம், செலினியம் மற்றும் மெக்னீசியம் ஆகியவை முடி ஆரோக்கியத்திற்கு முக்கியமான சில தாதுக்கள். முடியின் வேர்களை சேதத்திலிருந்து பாதுகாக்கும் ஆன்டிஆக்ஸிடன்ட்களின் தொகுப்பில் செலினியம் உதவுகிறது. மக்னீசியம் புரதத் தொகுப்புக்கு அவசியம். இது முடி வளர்ச்சிக்கு முக்கியமானது.

இரத்த சோகைக்கு வழிவகுக்கும் இரும்புச்சத்து குறைபாடு, முடியின் வேர்களுக்கு ஆக்ஸிஜன் வழங்கலையும் குறைக்கிறது. இது முடி உதிர்தலுக்கு வழிவகுக்கிறது. சைவ உணவில் உள்ள மற்றொரு தாதுக் குறைபாடு துத்தநாகம் ஆகும். இதன் குறைபாடும் முடி உதிர்தலுக்கு வழிவகுக்கும்.

முடி உதிர்தலுக்கு சிகிச்சையளிப்பதற்கான உதவிக்குறிப்புகள்

வைட்டமின்கள் மற்றும் தாதுக்கள் நிறைந்த உணவுகளை சாப்பிடுவது உங்கள் முடியின் ஆரோக்கியத்திற்கு நல்லது. முடி உதிர்வுக்கான உண்மையான காரணத்தை நீங்கள் முதலில் அறிய வேண்டும். முடி வளர்ச்சிக்காக பிரத்யேகமாக வடிவமைக்கப்பட்ட சப்ளிமென்ட்களை எடுத்துக்கொள்வதன் மூலம், முடி உதிர்வைத் தடுக்கலாம் மற்றும் உங்களுக்கு தேவையான அனைத்து வைட்டமின்களையும் பெறலாம்.

ஆனால், அவை மருத்துவரின் பரிந்துரையின் பேரில் மட்டுமே எடுத்துக்கொள்ள வேண்டும். ஏனெனில் வைட்டமின்கள் மற்றும் தாதுக்களின் அதிகப்படியான உட்கொள்ளல் ஒட்டுமொத்த ஆரோக்கியத்திலும் மோசமான விளைவுகளை ஏற்படுத்தலாம்.