தமிழகத்தில் மாணவ, மாணவிகளிடம் தலைமைப் பண்பை ஊக்குவிக்கும் வகையில் 37,592 அரசுப் பள்ளிகளில் மகிழ் முற்றம் திட்டம் செயல்படுத்தப்படும் என பள்ளிக் கல்வித் துறை அமைச்சா் அன்பில் மகேஸ் பொய்யாமொழி தெரிவித்தாா்.
சென்னை சூளைமேடு ஜெய் கோபால் கரோடியா அரசு மகளிா் மேல்நிலைப் பள்ளியில் புதன்கிழமை நடைபெற்ற விழாவில் மகிழ் முற்றம் கையேட்டை வெளியிட்ட அமைச்சா் அன்பில் மகேஸ் பொய்யாமொழி. உடன், துறைச் செயலா் சோ.மதுமதி, சட்டப்பேரவை உறுப்பினா் நா.எழிலன் உள்ளிட்டோா்.
சென்னை சூளைமேடு ஜெய் கோபால் கரோடியா அரசு மகளிா் மேல்நிலைப் பள்ளியில் புதன்கிழமை நடைபெற்ற விழாவில் மகிழ் முற்றம் கையேட்டை வெளியிட்ட அமைச்சா் அன்பில் மகேஸ் பொய்யாமொழி. உடன், துறைச் செயலா் சோ.மதுமதி, சட்டப்பேரவை உறுப்பினா் நா.எழிலன் உள்ளிட்டோா்.
தமிழகத்தில் மாணவ, மாணவிகளிடம் தலைமைப் பண்பை ஊக்குவிக்கும் வகையில் 37,592 அரசுப் பள்ளிகளில் மகிழ் முற்றம் திட்டம் செயல்படுத்தப்படும் என பள்ளிக் கல்வித் துறை அமைச்சா் அன்பில் மகேஸ் பொய்யாமொழி தெரிவித்தாா்.
சென்னை சூளைமேடு ஜெய் கோபால் கரோடியா அரசு பெண்கள் மேல்நிலைப் பள்ளியில் புதன்கிழமை நடைபெற்ற நிகழ்ச்சியில் அரசுப் பள்ளி மாணவா்களுக்கான மகிழ் முற்றம் மாணவா் குழு கையேடு, இலட்சினை ஆகியவற்றை அமைச்சா் அன்பில் மகேஸ் வெளியிட பள்ளிக் கல்வித் துறைச் செயல் சோ.மதுமதி பெற்றுக்கொண்டாா்.
நிகழ்ச்சியில் அமைச்சா் அன்பில் மகேஸ் பேசியது:
தமிழகத்தில் உள்ள அனைத்து அரசுப் பள்ளிகளிலும் மகிழ் முற்றம் மாணவா் குழு அமைப்பை நடைமுறைப்படுத்த திட்டமிடப்பட்டுள்ளது. இந்தத் திட்டம் மாணவா்கள் குழுவாக இணைந்து செயல்படுதல், சமூக மனப்பான்மை, வேற்றுமைகள் இல்லாத பரஸ்பர ஆதரவு ஆகியவற்றை முதன்மை நோக்கங்களாகக் கொண்டுள்ளது.
மாற்றங்களை ஏற்படுத்தும்: பள்ளி அளவில் இரு தனிச் செயல்பாடுகளை ஆசிரியா்கள் தோ்வு செய்து மதிப்பீடு செய்யலாம். எடுத்துகாட்டாக நேரம் தவறாமை, காலை வழிபாட்டு கூட்டத்தில் பங்கேற்றல், வீட்டுப்பாடம் முடித்தல், தன்சுத்தம் பேணுதல் போன்ற செயல்பாடுகளைத் தோ்வு செய்யலாம். இதன்மூலம் இந்தக் குழு அமைப்பு மாணவா்களிடையே விரும்பத்தக்க மாற்றங்களை ஏற்படுத்துவதற்கான தளமாக அமையும்.
மகிழ் முற்றம் திட்டச் செயலாக்கத்துக்கென கையேடு பள்ளிக் கல்வித் துறையால் வடிவமைக்கப்பட்டுள்ளது. இதில் வழங்கப்பட்டுள்ள வழிமுறைகளைப் பின்பற்றி 37,592 அரசுப் பள்ளிகளில் குழுக்கள் அமைக்கப்படும். உலக குழந்தைகள் தினமான நவ.20-ஆம் தேதி மாணவா்களுக்கான வளமான கல்வியை வழங்குவதற்கான ஒரு மைல் கல்லாக இந்தத் திட்டம் செயல்படுத்தப்படும்.
தலைவா், அமைச்சா்கள்... இந்தத் திட்டத்தின்படி, மாணவா்களிடையே தலைமைப் பண்பை வளா்க்கும் வகையில், குறிஞ்சி, முல்லை, மருதம், நெய்தல், பாலை என்னும் பெயா்களில் மாணவா் குழுக்கள் அமைக்கப்படும். தொடா்ந்து, மாணவத் தலைவா் மற்றும் மாணவ அமைச்சா்கள் தோ்வு செய்யப்படுவா். இதன்மூலம் மாணவா்களிடையே அரசியல் அறிவுசாா்ந்த அனுபவங்கள் மற்றும் ஆளுமைத் திறன் மேம்பட, மாதிரி சட்டப்பேரவை மற்றும் மாதிரி நாடாளுமன்றம் நடத்தப்படும். இதற்காக, தலைமையாசிரியா்கள் மற்றும் ஆசிரியா்களுக்கு பயிற்சிகள் வழங்கப்படும். இந்தத் திட்டத்துக்காக ரூ. 2 கோடி ஒதுக்கீடு செய்யப்பட்டுள்ளது என்றாா் அவா்.
இந்த நிகழ்ச்சியில் சட்டப்பேரவை உறுப்பினா் மருத்துவா் எழிலன் நாகநாதன், பள்ளிக் கல்வி இயக்குநா் ச.கண்ணப்பன், சென்னை மாவட்ட முதன்மைக் கல்வி அலுவலா் அ.புகழேந்தி, பள்ளியின் தலைமை ஆசிரியா் சாந்தகுமாரி உள்ளிட்டோா் கலந்து கொண்டனா்.
கருத்துகள் இல்லை:
கருத்துரையிடுக